الممثل الشوبي: ماعرفتش شكون غنخدم عندو فالفيلم الجاي ونتسال حزقة لاروب

تحدث الممثل المغربي، المثقف، محمد الشوبي في تدوينة على صفحته بالفايس بوك، عن المعاناة التي يقاسيها الممثل المغربي مع المخرجين والمنتجين. وتساءل الشوبي في ذات التدوينة بحرقة قائلا:

ماعرفتش شكون غنخدم عندو ماشي غنخدم معاه كيف كيضن فالفيلم الجاي ديالو، وغنضرب الكرفي كيف العادة، وغننبقى نتسال الحزقة لاروب لي اتفقت معاه عليها ، وغنوحل مع الكريديات والمصاريف ديال الدار والحياة كلها، وغنبقى ندوز فالبرامج التلفزية والإذاعية ونتكلم على المشاركات ديالي فالأفلام والمسلسلات، ونحكي ليهم بعض النكات لي وقعات ليا وانا كنصور، وهما كيصورو الفلوس وانا مرة مرة نضيع المكالمات على المنتج لي خدمت معاه وماخلصنيش، باش نسولو واش قرب الخلاص ولا مازال راه دازت ست شهور وماكاين والو، وكايقول ليا مازال كنتسنى لا طرونش غير صبر راه فلان الفلاني وما هضرش وأنت مصدعني، وكنكمدها وكنسكت، وكيعيطو لي فبرنامج على قبل الفيلم لي خرج فالقاعات، ومشا للمهرجانات وخذا جوائز كبرى، وانا كنتسنى بحال حماد مول الحانوت لي كيسلفني المونا، وكنبقى فيه مسكين وكيعطيني السلعة بالكريدي واخا ما خلصتوش هاذي شحال وكيعط ليا مول واحد البرنامج وكيقول لي تهضر بصراحة ولا تاكل الحار، كنقول ليه الحار لي كليت فحياتي أكثر من الحار ديال الحار ديالك ، آش ظهر ليك السي وزير الإتصال والسادة لي معاه فهاد الشي ديال السوليما والتلفزيون؟ ها حجر العافية.