تسريب صوتي منسوب للمدرب جمال السلامي يكشف فيه تفاصيل خطيرة حول “الحرب” على فريق الرجاء.. (أسرار الميركاتو ولجنة المنشطات والحكم جيد)

انتشر تسريب صوتي منسوب لمدرب الرجاء البيضاوي جمال  السلامي، من شأنه أن يخلق ضجة كبيرة في الأوساط الرياضية، والذي يتهم فيه أطرافا لم يسمّها بشن “حرب” على فريق الرجاء البيضاوي، من خلال عدد من المحطات، بدايةً من عدم تأجيل مباراة الدفاع الحسني الجديدي، وصراع الميركاتو الشتوي، وصولاً إلى الزوبعة التي فجرها الأداء التحكيمي خلال المباراة التي جمعت الرجاء بالنهضة البركانية.

وجاء في التسجيل الصوتي المنسوب لجمال السلامي: “جميع المباريات التي خضناها نطلب من اللاعبين عدم الخروج بتصريحات تستفز الجماهير الرجاوية لأننا نعرف أن جمهورنا كبير جداً وقادر على فعل أي شيء.. حنا أهم حاجة بالنسبة لنا هي الأمن والاستقرار والحفاظ على الصورة الحضارية للكرة الوطنية، رغم هاد الاستفزازات كاملين لي كدفعو بها شي وحدين لي ماعرفناهمش شنو باغيين لأن هادشي لي كايديرو فيه راه صعيب بزاف..”.

وتابع التسجيل الصوتي، “حنا نهار أقصينا الوداد بأربعة أهداف لكل فريق جمعت اللاعبين في المستودع وقلت لهم الله يخليكم حنا المغاربة تنقولوا لي غلب يعف.. وحنا غلبناهم والله يكون في العون وما نهدروش عليهم نهضرو على فرقتنا وعلى جمهورنا خليهم هما فداكشي لي فيهم، ومن بعد المقابلة خرج كلام عن استعمال اللاعبين للمنشطات، وخرجت لجنة خاصة بالمنشطات أسبوعين.. عينهم في متولي ولاعبينا، (قالوا مايمكنش لاعبين كانو غير تيجرو فرجليهم يديرو هاد المستوى).. قلبو وجراو طاحو وناضو.. داروا لينا الفحص لمتولي وسند الورفلي في الكونغو، ولم يجدوا شيء، وبعدها مابقاتش لجنة المنشطات بمبرر عدم وجود الإمكانيات المالية”.

وأضاف التسجيل المنسوب للسلامي، “حاربونا في الميركاتو.. تجمعوا كلهم بالأموال والاتصالات وكل شيء، ومن بعد ما صوروا والو.. دابا الفريق ولا كايخلعهم بداو كايضربوا لينا دراري، باش ما نلقاوش باش نلعبوا.. وفينا هي الكرة والمنافسة، حنا مشينا للجزائر نمثلوا المغرب ما مشيناش نمثلوا راسنا باش يخشيو لينا مباراة بين زوج لقاءات مع أكبر الأندية الجزائرية، حشومة، والتصريحات وقعوا في عدم احترام الملك وسيادة البلاد.. ودابا مسيفطين جيد لي مشات ليه المصداقية خرجوا عليه وهو كان عندنا الحكم الوحيد الذي نفتخر به ونعتز به حتى واحد ما بقى كيحملوا ماشي غير الرجاويين. بل جميع المغاربة كايقولو حشومة داكشي لي دار مفضوح.. والرجاء لما وصلت لهذا المستوى بغاو يديروا عليها الحرب والله يكفينا شرهم”.