بعدما تسبّبوا في هجرته “حاركا”.. ضغوطات من مسؤولين بجامعة التكواندو المغربية لمنع بوخريصة من اللعب بإسبانيا

اتهم البطل المغربي في رياضة التكواندو، أنور بوخريصة، مسؤولين في الجامعة الملكية المغربية للتكواندو، بالتضييق عليه ومحاولة منعه من اللعب ضمن البطولة الإسبانية وتحطيمه.
وقال بوخريصة ، “البارح كنت باغي ندير فيديو نوضح فيه هاد القضية ديال المسؤولين في الجامعة و الناس لي كاتهاجمني و لكن لقيت بلي مايستاهلوش”.

وأكد بوخريصة في تدوينة نشرها على حسابه الشخصي في فيسبوك، أنه “من بعد الموضوع لي دار ضجة في الفايسبوك بلي أنوار بدل الجنسية و هاد الهدرة ما منها والو فأنا لعبت مع نادي محلي فقط و لكن البارح كانتفاجئ أنا و المدرب ديالي بعدد كبير من الإتصالات من المغرب كايوقفو ضدي و كايقولو بلي ماعنديش الحق نلعب التايكواندو و بغاو يهرسوني من جديد من بعد ماهرسو الأحلام ديالي و أنا في سن مبكر في المغرب”.
وكشف البطل المغربي في تدوينته تفاصيل ما دار بين من اعتبرهم مسؤولين في الجامعة ومدربه، بحيث قالوا له، “علاش خليتوه يلعب ماخصكومش تخليوه يلعب البطولة “، مضيفا أنهم قاموا بالإتصال بالجامعة الإسبانية للاعتراض على لعبه، فيما اتصلت الأخيرة بمدربه للاستفسار عن سبب هذا الكم من الاتصالات، “وصلات بيهم يتاصلو بالجامعة الإسبانية و يعتارضو و خلات الجامعة تعيط المدرب ديالي و كاتقولو شنو السبب لي عند أنوار لي خلا هاد بنادم كامل يتصل بنا و خلقت مشكل للمدرب و الحمد لله فهمناهم الموضوع وخلاوني نلعب من جديد”
وختم بوخريصة تدوينته بالقول،  “الحمد لله غير ملي وصلات بيكم ديرو هادشي كامل على ودي وماغاديش توصلو لداكشي لي بغيتو، وأنا الحمد لله حاليا قانوني في إسبانيا، ومابقيتش واحد حارگ كيف قلتو ليهم…”، مشددا “مزال غادي نلعب التايكواندو حتى آخر عرق عندي ماشي باش نولي بطل العالم حيث كانحب هاد الرياضة فقط للمتعة أما راه مستقبلي أهم من كل شيء و راه ضريتكم و مزال غادي نضركم”.