أخنوش: ” لا أنفذ ما يطلب مني.. شكون كيطلب مني وإذا ما جبتش النتائج غادي نمشي”

رفض عزيز أخنوش، رئيس حزب التجمع الوطني للأحرار، وصفه بـ”سوبر مان”. وقال خلال استضافته في برنامج خاص، مساء أمس الجمعة (9 مارس)، على أمواج إذاعة “ميد راديو”، “أنا رئيس حزب، يعني ماشي “سوبرمان”، وأنا عندي مهمة، وخص الناس تفهم بأنه راه كاين منافسة داخل الحقل السياسي وباللي خصني نلقى الموقع، و نعطي واحد التموقع للحزب ديالي”.

وجدد أخنوش تأكيده بالقول: “أنا ماشي “سوبرمان” أنا رئيس حزب، بغيت نزيد بهاد الحزب للقدام، عندنا طموحات باش نلعبو الأدوار ديالنا، كانت عندنا رئاسة الحكومة في الماضي، إذن عندنا تجربة وعندنا كفاءات، وفي المستقبل غادي نبقاو نخدمو”. ونفى أخنوش وجود رغبة شخصية منه في الوصول إلى رئاسة الحكومة المقبلة قائلا: “ما كاينش شي حاجة شخصية، بكل صراحة الهدف هو أنه الحزب ديالنا يتموقع من الأوائل، نقدرو نجيو الأولين.. التانيين، نقدرو نجيو الثالتين على حساب العمل ديالنا، أما أنا شخصيا عندي مرحلة غادي ندوزها في هاد الحزب وإذا ما جبتش النتائج غادي نمشي”.

وأردف أخنوش: “إذا ما جبتش النتائج ما عندي ما ندير إذا جبت النتائج غادي نكلمو ديك الساعة”. ورَدَّ أخنوش على ما يتردد في الأوساط السياسية والإعلامية حول مساعيه نحو إضعاف حكومة سعد الدين العثماني. بالقول: “يمكن انتم الصحافيين كتكترو فيه حنا ما باغيينش نضعفو الحكومة الحالية، وراه كاين حكومة، كاين رئيس حكومة، وأنا معه و كنعاونو وخصو يمشي في المسار ديالو حتى يكمل وحتى ينجح، والتجمع الوطني للأحرار في الحكومة باش حزب العدالة والتنمية ينجح في الحكومة ماشي شي حاجة أخرى”.

ونفى أخنوش أن يكون “ينفذ ما يُطلب منه”، متسائلا: “شكون كيطلب مني؟ الحزب راه عندو أربعين عام، هو أقدم من عدد من الأحزاب اللي كتجي هي الأولى أول يوم”. وأوضح المتحدث ذاته أن حزب التجمع الوطني للأحرار “عنده تاريخ عنده رجالات ديالو، كتعرفو الرجالات ديالو من أحمد عصمان وانت هابط، عرفتي الرجالات اللي كانوا في الداخلية واللي كانوا في الصحة وفواحد العدد ديال الوزارات اللي كانت جد مهمة، إذن هذا حزب عنده مسار ديالو”.

عن موقع “كيفاش”