خبير مالي يشرح كيف “ورّط” بنكيران المغاربة في زيادات لا يفطنون بها

بعنوان “الزيادات بالتخبية.. التعامل بالفلوس يخضع للضريبة” نشر الباحث في المالية العامة والسياسات العمومية، نور الدين لزرق، تدوينة على الفايسبوك يشرح فيها كيف تتعرض مشتريات المغاربة بالفاتورة تتعرض لزيادات لا يفطنون بها.

وقال لزرق: أقرت المدونة العامة للضرائب في مادتها 252 وباثر انطلق مند فاتح ابريل 2015 على انه ((تخضع لنسبة 0,25% المخالصات الصرفة والمجردة أو الإبراءات التي تقید أسفل الفاتورات وقوائم المصاریف والوصولات والإبراءات من مبالغ نقدیة وجمیع السندات المتضمنة لمخالصة أو إبراء.))”

ويواصل لزرق شارحا: “بالعربية ديال تاعرابت كل هاد الهضرة كتعني ان المغربي يلا شرى شي حاجة الفلوس حب او طنان او كاش (كفما بغيتيو) ومهما كانت ومن عند أي بائع وعطاوه الفاكتورة خاصو يخلص 0.25 % من قيمتها. اي يلا شريتي 100 درهم ديال السلعة من اي حانوت خاصك تزيد خمسة دريال وانت طالع (25 سنتيم)”.

مضيفا: “هذا يعني أمرين الأول أن المغاربة مخصهومش يتعاملو بالفاكتورة وبالكاش و يلا بغاو يديروها يتعاملو فالنوار باش ما يتزادش عليهم هاد الضريبة اللي معندها معنى. والثاني يعني ان المغاربة كلهم عندهم حسابات بنكية وماكيتعاملو الا بالشيكات والبطاقات البنكية علما انه حسب الاحصائيات الرسمية الابناك لا تغطي الا 40 % من المغاربة”.

“وبغض النظر على هادشي كامل، شحال الكلفة ديال هاد الضريبة وشنو الهدف منها يلا مكانش غير الزيادة على المغاربة؟” يقول لزرق وينهي تدوينته ب: “للاشارة هادشي وقع فزمان الحكومة السابقة ومستمر ويتمدد”.