الشوبي ينتقد عيد الأضحى.. ومعه الجهل والتخلف والفساد

باش نتفاهم مع الجميع ويفهمني من الآخر، العيد الكبير ديالي الحقيقي هو ملي نذبح الجهل والتخلف والفساد والريع، ونبني وطن حقيقي بمواطنين ماشي بقطيع مستهلك، وتكون بلادي متبوعة على التطور ديالها، ماشي محسودة على الخواء، ونحس بللي ما بقى حتى طفل لا يتمدرس ولا يجد طبيبا، ماشي العيد الكبير هو نقتل حيوان باش نقول الشي لي ما عارف عليه حتى حاجة، واعيدو بالحولي وخليو عيد المدرسة.
العيد طاح على المغاربة بأزيد من 17 مليار ديال الدرهم.

–  –  –

هل هذا هو الإسلام ؟

ناري على دعاء كيقول واحد خينا فيوم عرفات وناقلاه القناة الأولى فالمغرب لي بلد ضد التشدد والتطرف، يدعو على من ليس معهم بكل أنواع الإبادة، ويدعو أن يؤدي رب العزة ديونهم ؟؟؟؟؟؟؟؟؟

–  –  –

المغاربة نساو الكرامة ومعاها النزاهة، راه باش تكون مواطن وقادر يكون عندك صوت فهاد الزبل ديال السياسة راه خصك

1- تبلغ على كل حمار بغى يرشيك بحولي ولا فلوس حيت عندك 5 أو 7 د الأصوات,

2- تبلغ على كل من بغى يرشيك بأقوال الرسول الكريم باش يخلعك من الآخرين.

3- تبلغ على كل من بغى يرشيك بتقديم مساعدة طبية ولا دفن قريب عزيز ولا ختان ولا المساعدة على إقامة عرس فالشارع العام.

وإلاَّ راك غير بهيمة خصك نيت يدحيوك فصندوق الانتخابات.

–  –  –

المرضي :

خلا المرا غاطسة فالزبل ديال الحولي ولبس جلابتو البيضاء ولبس اولادو الجبادورات وهز أربعة تالقطبان ديال الزنان من الدوارة لي فصلها ليه الكزار ومشى يصبح على أمه ويبارك ليها العيد.

–  –  –

ضد كل العادات المكتسبة من الجهل والتي علقت في عجلة التاريخ لتجعل حركة تطوره بطيئة.

–  –  –

 (نشر صورة أكياش وعلق عليها):

نسأل الله أن يرحم ضحايا الأمة الإسلامية هذا اليوم ويسكنهم فسيح جنانه حتى يجيو ليهم عاود تاني فالجنة.