يتداول رواد مواقع التواصل الاجتماعي،منذ صباح امس، صورة رجل وهو يصلي صلاة عيد الأضحى وهو معتلي “العجلة” الخاصة به، في مدينة المحلة بمصر.

الصورة أثارت جدلا كبيرا على مواقع التواصل الاجتماعي عقب دقائق من نشرها، وانتشرت بشكل كبير وسط تعليقات كثيرة غير مؤيدة لفعل الرجل فضلا عن السخرية منه.

وروت ابنة الرجل تفاصيل ما حدث مع والدها من أزمات ومشاكل صحية واجتماعية جراء نشر هذه الصورة وانتشارها بشكل كبير على مواقع التواصل الاجتماعي.

وقالت نجلة المعني بالامر : “أنا من مدينة المحلة الكبرى والدي كان بيصلي صلاة العيد في مساكن شركة مصر، وكان راكب العجلة بتاعته بيصلي عليها، وفي شاب صوره، حرفيًا احنا اتفضحنا أنا وإخواتي بسبب الصورة دي، ونزلت على شبكة أخبار المحلة، كلمنا الشاب اللي منزلها وحذفها، بعدها أحد المعارف لقيناه بيكلمنا بيقولنا دي نازله على المحلة مباشر”.

وأضافت: “احنا بنات وكلنا متجوزين وإخواتي حصل بينهم وبين أزواجهم مشاكل وغضبه في بيت أهلي عشان أهالي أزواجهم قعدوا يتريقوا ويضحكوا، وطبعًا حاجه تمس كرامتنا، حصلت مشاكل وحاليًا أخت من إخواتي واقفة على الطلاق بسبب الموضوع ده، وبابا ميقصدش يعمل حاجه زي دي، هو كان خايف العجلة تتسرق، كلمت الشاب اللي ماسك إدارة الصفحة بتاعت المحلة مباشر بس مردش وعملي بلوك”.

وتابعت: “للأسف المحلة صغيرة واحنا مش عارفين نشيل الصورة دي ازاي، والدي جاتله جلطة نصف جسمه الشمال مش بيتحرك بسبب الصورة من كتر التليفونات اللي جات من المعارف والقرايب والمشاكل اللي حصلت في بيوت إخواتي، واحنا في المستشفى من الساعة 4 بسبب اللي حصل”.

التعليقات على صلاة رجل في العيد على متن دراجة تتحول لكارثة أسرية.. أحداث لن تخطر على البال مغلقة

‫شاهد أيضًا‬

مستخدمو القناة الثانية يحتجون أمام مقرها غداً الإثنين

علم موقع “الأول” أن موظفي ومستخدمي القناة الثانية، يعتزمون تنظيم وقفة احتجاجية…