عاجل.. أمال الهواري: أرفض أن أكون مسمارا في نعش شخص أو حطبا لإحراقه

خرجت أمال الهواري المصرحة أيضا في ملف توفيق بوعشرين، بعد قرار المحكمة بإحضار جميع المصرحات بالقوة العمومية قائلة، “ما معنى الاحضار بالقوة العمومية، يعني اجي تشكي بزز، يعني اجي تكوني طرف فالملف رغما عن انفك، يعني غانخلعوك ونخلعوا عائلتك، أكثر من داكشي لي تعرضتي ليه من طرف الإعلام، تشهير وقدف وباطل وبسيناريو بئيس..”.
واضافت الهواري في تدوينة على حسابها الشخصي بفيسبوك، “في “المقال” الواحد( واخا حاشى واش نسميوهم مقالات) كتبوا تناقضات بلا عدد.. ممارسة رضائية.. اغتصاب… تحرش فقط…لا اعطاها لفلوس..لا بلافلوس.. كانت عندها معاه علاقة رضائية..كانت تشتغل معاه..لا مكانتش تشتغل معاه..كانت فقط متدربة..لا ماعمرها ماتدربت عندو فالمؤسسة..ضغطوا عليها باش تسحب شكايتها..لا معمرها شكات اصلا..هاديك راها كانت استاذة وتحرشت بتلميذاتها…
انا لي عندي قلتو هذا شحال.. ولي عندي ارسلته في تظلمي الى جلالة لملك..”.
وختمت الهواري تدوينتها بالقول، “ولي كايعرفني عن قرب عارف اخلاقي جيدا..
لي محاملنيش ماسوقيش فيه.. يمشي يحضي جنابو ويديها فاخطاؤو هو..وانا ماشي مطالبة بإقناع شي حد عندو عنكبوت معششة فدماغو، وماباغيش يسمع من غير داكشي لي عندو فهداك الدماغ.. ولست مطالبة باقناع اي احد ببراءتي لاني اصلا لست متهمة بشيء.. ربي عارف ومطلع..و بوحدو لي له حق المحاسبة وحق العقاب…
ارفض ان اكون مسمار في نعش شخص..، او حطبا لاحراقه..
اما السمعة، فسيرة الشخص وتصرفاته هي التي تبنيها وليس اقاويل و بهتان والاسباب اصبح كلشي عارفها”.